《明日之後 (Blu-ray) (日本版)》的顧客評論
顧客對所有版本的評分:
(2)
頁:
1
匿名
2004年9月24日
此顧客評論來自 明日之後 (DTS版) (雙碟版)
2004年9月24日
此顧客評論來自 明日之後 (DTS版) (雙碟版)
明日之後 - 個人影評
|
各位觀眾： 十年唔逢一潤終於趁假期入戲院睇o左呢齣戲，即刻為大家介紹。 古仔？睇張電影海報就知啦！唔使講！ 卡士？除o左一班後生演員外，男主角熟口熟面，無謂講！ 好簡單，唔使點用腦，呢套戲係睇視覺特技。今時今日唔到你唔服荷李活o既特技片，之前睇《ID4》已經覺得CG特效同音效好正，今次呢個導演再發功，簡直將《龍捲風暴》、《絕世天劫》、《終極天險》、《末日救未來》同《驚濤駭浪》炒埋一碟，將一切天然災害一次過 show晒俾你睇，零舍超級壯觀，睇到你目定口呆，保證“嘩”足全場，真o既一樣剎到埋身，超勁壓迫感。我自己都睇到緊握拳頭、掌心標汗、心跳加速、血壓上升兼呼吸困難，唔係講笑！計我話：如果撈埋《烈燄狂峰》同《活火熔城》o的地震同火山爆發，o甘就無懈可擊、令場面更震撼喇（唔係黑心，做戲之o麻）！ 話過唔講都要講，個古仔係講我o地o的人類（唔使望喇，你都有份），因長期濫用地球資源，令全球氣溫上升而生產溫室效應，最終天氣驟變，今地球彷如再次進入冰河時期。男主角傑克教授o係戲入面講o個套氣象變化理論，講到似曾曾o甘，仲自己寫埋套軟件去預測o黎緊有o羊大災難，你都咪話唔驚。都不特止，佢仲要o係呢個環境下絕處求生，仲懶醒要o係冰天雪地，丟低個老婆，徒步去救自己個仔（對唔住！應該係搵自己個仔，佢個仔根本唔使佢救。其實想帶出一段懶煽情o既父子情，可有可無），搞到累死埋自己其中一個拍檔，何苦呢！另外講佢個仔同班同學點樣互相扶持，最後情敵變朋友，夠晒義氣。 今次套戲完全將美國o既大英雄主義放低、踐踏，不單只講美國總統都要死（戲入面冇講名，唔知係咪布殊），就連o的美國公民都要做難民，要求其他國家收留，真係冇幾可，的確令人反省！不過，除主題內容緊張之外，間唔中o的對白都幾幽默、幾好笑（尤其係講圖書館一大班人燒書一段）。 但正當你睇到血脈沸騰之際，仲以為套戲有排做o既時候，點知結局草草了事，趕住收工，真係有o的美中不足、到喉唔到肺！ 套戲一開始就已經好緊張o架喇！ |
頁:
1
